Héraðsdómur Norðurlands vestra Dómur 20 . febrúar 2026 Mál nr. S - 29/2025 : Lögreglustjórinn á Norðurlandi vestra ( Sigurður Hólmar Kristjánsson lögreglustjóri ) g egn Erik u Gudan ( Friðrik Smárason lögmaður ) Dómur Málsmeðferð og dómkröfur aðila 1. Málið var höfðað með ákæru lögreglustjóra, dags. 4. mars 2025, á hendur Eriku Gudan, . Málið var dómtekið 14. janúar 2026. 2. Dómarinn sem fer með málið tók við meðferð þess 1. september 2025 en hafði engin afskipti af því fyrir þann tíma. 3. Í ákæru segir að málið sé höfðað gegn ákærðu líkamsmeiðingar af gáleysi með því að hafa, að kvöldi fimmtudagsins 7. september 2023, , ekið hópferðabifreiðinni frá Hafnar firði að Flugstöð Leifs Eiríkssonar á Keflavíkurflugvelli og áleiðis [...] þar sem ákærða sofnaði við aksturinn og missti stjórn á bifreiðinni sem valt á hliðina á Norðurlandsvegi við Brekku í Húnabyggð, með eftirtöldum afleiðingum fyrir farþega hópferðabi freiðarinnar. A , kt. , hlaut brot á efri enda upparmsleggjar vinstra megin. B , kt. , hlaut opin sár á höfði og staðbundinn áverka á heila og D , kt. , hlaut brot á hnéskel, kramningsáverka og opin sár á hægri fæti auk brota á ótilgreindum hálsliðum . Þá hlutu aðrir farþegar mar og skrámur. Telst brot ákærðu varða við 219. gr. almennra hegningarlaga nr. 19 / 1940. Þess er krafist að ákærða verði dæmd til refsingar, til greiðslu alls sakarkostnaðar og til að sæta sviptingu ökuréttar skv. 99. gr. umferðarlaga nr. 77/2019 . 2 4. Upphaflega sneri ákæran einnig að mein t u broti ákærðu á reglum um aksturs - og hvíldartíma ökumanna en ákæruvaldið féll frá þeim hluta ákærunnar undir rekstri málsins . 5. Ákærða sótti ekki þing þegar málið var þingfest, 26. mars 2025 , en verjandi hennar boðaði þá forföll fyrir hennar hönd. Þegar málið var tekið fyrir 28. apríl 2025 neitaði ákærða sök og málinu var frestað til aðalmeðferðar. Ákæruvaldið féll sem fyrr segir síðar frá hluta ákærunna r . Að því búnu játaði ákærða sök hvað v arðar það ákæruefni sem eftir stóð. Að framkominni játningu ákærð u var farið með málið eftir ákvæðum 164. gr. laga um meðferð sakamála nr. 88/2008. Með skýlausri játningu ákærð u, sem er í samræmi við gögn málsins , telst sannað að hún hafi gerst sek um hátt semi þá sem í ákæru greinir , enda er háttsemin þar réttilega heimfærð til 219. gr. almennra hegningarlaga nr. 19/1940 sem varðar líkamsmeiðingar af gáleysi . Áður en málið var tekið til dóms gerðu sækjandi og verjandi grein fyrir sjónarmiðum sínum varðandi ákvörðun refsingar. Um málsatvik vísast til ákæru. 6. Ákærða er fædd árið . Samkvæmt framlögðu sakarvottorði gekkst hún undir sektargerð vegna umferðarlagab rots árið 2015 en hefur annars ekki gerst brotleg við refsilög. Ákærðu til málsbóta verður litið til skýlausrar játningar hennar fyrir dómi , auk þess sem hún virðist hafa verið samvinnufús hvað það varðar að upplýsa málið meðan það var til rannsóknar . Á hi nn bóginn verður ekki framhjá því litið að sem ökumaður hópferðabifreiðar bar hún ríka aðgæsluskyldu og brást þeirri skyldu með þeim afleiðingum sem í ákæru greinir . Að þessu virtu þykir refsing ákærðu vera hæfilega ákveðin fangelsi í 30 daga en fresta ska l fullnustu refsingarinnar og fellur hún niður að liðnum tveimur árum frá uppkvaðningu dómsins að telja haldi ákærð a almennt skilorð samkvæmt 57. gr. almennra hegningarlaga nr. 19/1940. 7. Þá ber samkvæmt 1. mgr. 99. gr. umferðarlaga nr. 77/2019 að svipta ák ærðu ökurétti. S ú svipting þykir hæfilega ákveðin þrír mánuðir frá birtingu dómsins að telja . Ekki þykja vera efni til að einskorða sviptingu na við ákveðinn flokk ökuréttinda, sbr. lokamálslið tilvitnaðs lagaákvæðis, en í greinargerð með frumvarpi til laga nna kemur fram hvað varðar umrædd a regl u , sem þar er nýmæli, að þar sé einkum horft til sviptingar ökuréttar vegna brots á aksturs - og hvíldartímareglum , sem ekki á við hér . 8. Með vísan til 1. mgr. 235. gr., sbr. 233. gr., laga nr. 88/2008 um meðferð sakamála ber að dæma ákærð u til greiðslu sakarkostnaðar til ríkissjóðs. Til þess kostnaðar teljast 3 málsvarnarlaun skipaðs verjanda ákærð u , Friðriks Smárasonar lögmanns, 1.775.835 krónur að meðtöldum virðisaukaskatti og 34.560 krónur vegna akstu rskostnaðar sama lögmanns. Annar sakarkostnaður nemur samkvæmt framlögðu yfirliti ákæruvaldsins 237.267 krónum. Í ljósi þess að ákæruvaldið féll undir rekstri málsins frá þeim hluta ákæru sem varðaði meint brot á reglum um aksturs - og hvíldartíma ökumanna þykir þó rétt að 1/3 hluti sakarkostnaðar falli á ríkissjóð en ákærða beri 2/3 hans . 9. Þorsteinn Magnússon héraðsdómari kveður upp dóm þennan. Dómso r ð: Ákærða, Erika Gudan, sæti fangelsi í 30 daga en fresta skal fullnustu refsingar og fellur hún niður að liðnum tveimur árum frá uppkvaðningu dómsins haldi ákærð a almennt skilorð 57. gr. almennra hegningarlaga nr. 19/1940. Ákærða er svipt ökuréttindum í þrjá mánuði frá birtingu dómsins að telja. Ákærð a sk al greiða 1.365.108 krónur í sakarkostnað til ríkissjóðs. Þar eru innifaldir 2/3 hlutar málsvarnarlauna skipaðs verjanda hennar, Friðriks Smárasonar lögmanns, sem í heild nema 1 . 775 . 835 krónum með virðisaukaskatti, 2/3 hlutar aksturskostnaðar sama lögmanns sem í heild nemur 34 . 560 krónum og 2/3 hlutar útgjalda samkvæmt yfirliti ákæruvaldsins sem í heild nema 237.267 krónum. Að öðru leyti greiðist sakarkostnaður úr ríkissjóði. Þorsteinn Magnússon